27 ستمبر ، 2024
امریکی وزیر دفاع لائیڈ آسٹن نے اسرائیل اور حزب اللہ کے درمیان بڑی اور تباہ کن جنگ کا خدشہ ظاہر کردیا ہے۔
امریکی وزیردفاع کا کہنا تھا کہ اسرائیل اور حزب اللہ کی ایک اور بڑی جنگ کا خطرہ درپیش ہے، ایک ایسی جنگ جو اسرائیل اور لبنان دونوں کیلئے تباہ کن ہو سکتی ہے۔
لندن میں برطانوی، آسٹریلین وزرائے دفاع کے ساتھ مشترکہ پریس بریفنگ میں لائیڈ آسٹن کا کہنا تھا کہ اسرائیل اور لبنان کشیدگی بڑھانے کے بجائے مختلف راستا بھی منتخب کرسکتے ہیں، تنازعے کا سفارتی حل اب بھی قابل عمل ہے۔
انہوں نے خطے کی مزاحمتی فورسز کو خبردار کرتے ہوئے کہا کہ کسی کو بھی اس بحران سے فائدہ اٹھانے یا تنازعہ بڑھانے کی کوشش نہیں کرنی چاہیے۔
امریکی وزیر دفاع کا کہنا تھا کہ امریکا مشرق وسطیٰ میں اپنے فوجیوں کی حفاظت جاری رکھے گا۔