27 فروری ، 2025 
صادق خان نے سینٹرل لندن میں رمضان لائٹس کا افتتاح کردیا
27 فروری ، 2025
میئر لندن سر صادق خان نے سینٹرل لندن میں رمضان لائٹس کا افتتاح کردیا۔
میئر لندن صادق خان نے کہا کہ لندن مغربی دنیا کا پہلا شہر ہے جہاں رمضان لائٹس لگائی جاتی ہیں اور فخر کی بات ہے کہ ہم نے مسلسل تیسرے برس رمضان لائٹس لگائی ہیں۔
انہوں نے کہا کہ اسلاموفوبیا کا مقابلہ کرنے کیلئے ہمیں مقامی کمیونٹیز کو اپنے دین اسلام کے بارے میں بتانا ہوگا، مسلمان رمضان میں عبادت کرتے ہیں، چیریٹی دیتے ہیں اور غیر مسلموں کے ساتھ افطار بھی کرتے ہیں۔
میئر لندن کا کہنا تھا کہ بعض افراد مسلمانوں کے بارے میں غلط باتیں پھیلاتے ہیں اس لیے ضروری ہے کہ ہم لوگوں کو اسلام کی اصل تصویر دکھائیں۔
دوسری جانب چیمپئنز ٹرافی کے حوالے سے گفتگو کرتے ہوئے میئر لندن نے کہا کہ افسوس ہے چمپئنز ٹرافی سے میری دونوں ٹیمیں انگلینڈ اور پاکستان آؤٹ ہوگئی ہیں، چیمپئنز ٹرافی کے انعقاد سے یہ بتانے کا موقع ملا ہے کہ پاکستان محفوظ ملک ہے۔
مزید خبریں :
حرمین شریفین میں رمضان المبارک کیلئے رضاکاروں کی رجسٹریشن شروع
26 فروری ، 2025
