17 جولائی ، 2013 
پشاور:اسکیم چوک میں گھر کے باہر دھماکا،بیرونی دیوارکونقصان
17 جولائی ، 2013
پشاور …پشاور کے علاقے اسکیم چوک کے قریب مکان کے باہر دھماکے سے عمارت کی بیرونی دیوار کو معمولی نقصان پہنچا۔ دھماکے میں ایک کلو گرام بارودی مواد استعمال کیا گیا۔پولیس کے مطابق اسکیم چوک کے قریب اسکول ٹیچر غلام صادق کے مکان کی بیرونی گیٹ کے قریب دھماکا ہوا ہے۔ ایس پی رورل پشاور شفیع اللہ کے مطابق دھماکے سے عمارت کی بیرونی دیوار کو معمولی نقصان پہنچا ہے۔عینی شاہدین کے مطابق دو موٹر سائیکل سوار کالا شاپنگ بیگ دروازے کے قریب پھینک کر فرار ہوگئے۔ جس کے بعد دھماکہ ہوگیا۔بم ڈسپوزل یونٹ کے مطابق دھماکے میں ایک کلو گرام بارودی مواد استعمال کیا گیا۔ ایس ایس او عابدالرحمن کے مطابق واقعہ ذاتی رنجش کا شاخسانہ ہوسکتا ہے۔ ممکن ہے کہ غلام صادق کو ڈرانے کے لئے یہ دھماکہ کیا گیا ہو۔
مزید خبریں :
