پاکستان
05 ستمبر ، 2013
05 ستمبر ، 2013 
ماڑی پور: سی آئی ڈی پولیس اور دہشتگردوں میں فائرنگ کا تبادلہ، 3 افرادہلاک
05 ستمبر ، 2013
کراچی… ڈسٹرکٹ ویسٹ میں سی آئی ڈی پولیس اور دہشت گردوں کے درمیان فائرنگ کا تبادلہ جاری ہے، فائرنگ کے نتیجے میں اب تک کی اطلاعات کے مطابق 3افراد ہلاک ہوچکے ہیں۔ ذرائع کے مطابق ماڑی پور کے قبرستان میں دہشت گردوں کی موجودگی پر سی آئی ڈی پولیس نے چھاپہ مارا جس کے دوران دہشت گردوں نے پولیس پر فائرنگ شروع کردی۔ ذرائع کے مطابق پولیس اور دہشت گردوں کے درمیان فائرنگ کا سلسلہ جاری ہے جبکہ فائرنگ کے دوران 3افراد کی ہلاکت کی بھی اطلاعات ہیں۔ ہلاک ہونے والوں کی تاحال شناخت نہ ہوسکی۔ ذرائع کے مطابق دہشت گرد جرائم کی مختلف وارداتوں میں ملوث ہیں اور ان کا تعلق کالعدم تنظیموں سے بتایا جاتا ہے۔
