05 اکتوبر ، 2013 
پاکستان اور جنوبی افریقا درمیان کرکٹ سیریز کے ”لوگو “ کا افتتاح
05 اکتوبر ، 2013
لاہور…پاکستان کرکٹ بورڈ کے سربراہ نجم سیٹھی نے کہا ہے کہ اگراسپانسرزساتھ دیں توبورڈ اورپاکستان کرکٹ کومضبوط بناسکتے ہیں،لاہور میں پاکستان اور جنوبی افریقا کے درمیان کرکٹ سیریزکے لوگو کی افتتاحی تقریب کے موقع پر خطاب کرتے ہو ئے قائم مقام چیئر مین کرکٹ بورڈ کا کہنا تھا کہ ہماری کوشش ہوگی پاکستان لیگ شروع کریں ،جس کے لئے تیاری کررہے ہیں ،اگر لیگ میں غیر ملکی کھلاڑی آئے تو فائدہ ضرور ہوگا۔نجم سیٹھی نے کہا جنوبی افریقا کے خلاف ہمیں بہت اچھے اسپانسرز ملے ہیں،یہ بھی ایک اچھی علامت ہے،پی سی بی کی ساری انکم میڈیا رائٹس اور اسپانسرشپ سے آتی ہے تاہم دنیا کے ہمارے بارے میں خیالات اچھے نہیں،وہ ہم سے کھیلنا نہیں چاہتے ،ہمارے بارے میں انکے خیالات اچھے نہیں۔قائم مقام چیئرمین پی سی بی نے پاکستان جنوبی افریقہ کرکٹ سیریز کے لوگو کی باقاعدہ رونمائی بھی کی۔
