Geo Urdu
Advertisement

کھیل
time icon 13 فروری ، 2018

پی ایس ایل: ماہرہ خان پشاور زلمی کی برانڈ ایمبسڈر مقرر

— فوٹو:فائل

پشاور زلمی نے اداکارہ ماہرہ خان کو پاکستان سپر لیگ کے سیزن تھری کے لیے اپنی ٹیم کا برانڈ ایمبسڈر مقرر کردیا۔

پاکستان سپر لیگ کے تیسرے ایڈیشن کے لیے پشاور زلمی فرنچائز کی جانب سے خصوصی تقریب منعقد کی گئی جس میں سابق کرکٹرز، سابق چیئرمین بورڈ اور شوبز سے وابستہ شخصیات نے شرکت کی۔

تقریب میں پشاور زلمی کی کٹ کی رونمائی اور آفیشل گیت لانچ کیا گیا جب کہ اس موقع پر پشاور زلمی فرنچائز کے مالک جاوید آفریدی نے سماجی رابطے کی ویب سائٹ ٹوئٹر پر اداکارہ ماہرہ خان کو فرنچائز کا برانڈ ایمبیسڈر بنانے کا اعلان کیا۔

ماہرہ خان نے بھی پشاور زلمی کی کٹ پہنے تصویر سوشل میڈیا پر شیئر کی ہے اور ٹوئٹ میں فرنچائز کا حصہ بننے پر خوشی کا اظہار کیا ہے۔

یاد رہے کہ پاکستان سپر لیگ کا تیسرا ایڈیشن 22 فروری سے شروع ہوگا جب کہ زلمی ایونٹ میں اپنے اعزاز کا دفاع کرے گی۔

Advertisement

@geonews_sport

Advertisement