پاکستان سپر لیگ 6 میں شرکت کےلیے سرفراز احمد سمیت 6 افراد ابوظبی روانہ ہوگئے۔

پاکستان سپر لیگ 6 کے بقیہ میچز میں شرکت کے لیے سرفراز احمد، ذیشان اشرف اور زید عالم سمیت لاہور سے 4 کھلاڑی کراچی پہنچے جب کہ کراچی سے کوئٹہ گلیڈی ایٹرز کے کپتان سرفراز احمد اور میڈیا مینیجر عماد حمید ابوظبی روانہ ہوئے۔

جیونیوز کے مطابق تمام افراد براستہ بحرین ابوظبی روانہ ہوئےہیں۔

واضح رہے کہ پاکستان سپر لیگ کے بقیہ میچز ابو ظبی میں کرانے کے لیے پی سی بی کو مکمل منظوری مل چکی ہے اور کئی غیر ملکی کھلاڑیوں سمیت قومی کرکٹرز ابو ظبی پہنچ چکے ہیں۔

پی ایس ایل کے بقیہ 20 میچز کا شیڈول کل جاری کیا جائے گا اور میچز رواں ہفتے سے ہی شروع ہونے کا امکان ہے۔

پی ایس ایل 6،بھارتی اور جنوبی افریقی براڈ کاسٹرزکو ابوظبی لینڈنگ کی اجازت مل گئی

وزیر خارجہ شاہ محمود قریشی کی مداخلت پر اماراتی حکام نے لینڈنگ کی اجازت دے دی ہے، ذرائع پاکستان کرکٹ بورڈ

پی ایس ایل 6 کے بقیہ ایڈیشن سے بے یقینی کے بادل چھٹ گئے

بھارت اور جنوبی افریقا کے براڈ کاسٹرز کو ابوظبی لینڈنگ کی اجازت مل گئی ہے۔