لاہور قلندرز میں شامل آسٹریلوی کرکٹر بین ڈنک کا کہنا ہے کہ لاہور قلندرز اس وقت بہت اچھا کھیل رہی ہے گزشتہ سیزن میں بھی ٹرافی اٹھانے کے قریب تھے اس مرتبہ مزید آگے جائیں گے۔

جیو نیوز سے گفتگو کرتے ہوئے بین ڈنک کا کہنا تھا کہ ابوظبی میں لاہور قلندرز نےاب تک کھیلے جانے والے اپنے دونوں میچز میں کامیابی حاصل کی ہے اس وقت لاہور پوائنٹس ٹیبل پر ٹاپ پر موجود ہے، ٹاپ ٹو  کو مکمل کرکے  فائنل کھیلنا ہے اور  اصل ہدف ٹرافی اٹھانا ہے۔

دوران گفتگو بین ڈنک بھی ٹاپ کلاس اسپنر راشد خان کے معترف نکلے، ان کا کہنا تھا  کہ راشد خان ٹاپ کلاس بولر ہیں وہ کئی ٹیموں کے ساتھ کھیل چکے ہیں، ان کی کارکردگی میں تسلسل پایا جاتا ہے ان کا ٹیم میں ہونا مفید ہوتا ہے ہم خوش قسمت  ہیں کہ راشد خان ہمارے ساتھ کھیل رہے ہیں۔

راشد خان کی شاندار بولنگ نے پشاور زلمی کی کمر توڑی: شعیب ملک

شروع میں اچھی بولنگ کی لیکن بعد میں ٹیم کو ایک رسٹ اسپنر کی کمی محسوس ہوئی: آل راؤنڈر

بین ڈنک کا کہنا ہے کہ ہر کھلاڑی اپنا حصہ ڈال رہا ہے میری بھی کوشش ہے کہ میں اپنا حصہ ڈالوں ،پی ایس ایل سخت ٹورنامنٹ ہے، ہر ٹیم اچھے کھیل کا مظاہرہ کر رہی ہے۔

بین ڈنک ابوظبی میں میچز کے آغاز سے قبل وکٹ کیپنگ پریکٹس کے دوران انجرڈ ہو گئے تھے ان کے ہونٹ پر6 ٹانکے لگے لیکن بین ڈنک نے پہلے دونوں میچز میں کھیلے۔

انہوں نے کہا کہ  لاہور قلندرز کے ساتھ وابستگی ہو چکی ہے، اس ٹیم کے ساتھ میرا دوسرا سیزن ہے زیادہ تر وہی کھلاڑی ہیں جن کے ساتھ کھیل چکا ہوں ۔

پی ایس ایل 6: یونائیٹڈ نےگلیڈی ایٹرزکو 10 وکٹوں سے شکست دیدی

ابو ظبی میں کھیلے گئے پی ایس ایل کے 18 ویں میچ میں کوئٹہ گلیڈی ایٹرز نے پہلے کھیلتے ہوئے 133 رنز بنائے تھے۔

بین ڈنک کا مزید کہنا تھا کہ گزشتہ برس پی ایس ایل کھیلنے کے بعد لمبا قرنطینہ کرنا پڑا اس مرتبہ پھر کھیل رہا ہوں، لاہور قلندرز میں ہم ایک دوسرے کے قریب ہو چکے ہیں، محنت کر رہے تاکہ ٹرافی اٹھائیں۔