24 نومبر ، 2021
قومی کرکٹ ٹیم کے سابق کپتان شاہد آفریدی نے کہا ہے کہ انہیں خود بھی نہیں معلوم وہ پاکستان سپر لیگ ( پی ایس ایل) کے ساتویں ایڈیشن میں کس ٹیم کا حصہ ہوں گے۔
کراچی میں میڈیا سے گفتگو کرتے ہوئے شاہد آفریدی نے کہا کہ ملتان سلطانز اور کوئٹہ گلیڈی ایٹرز کے مالکان ان سے محبت کرتے ہیں لیکن پی ایس ایل کا آئندہ سیزن وہ کس ٹیم سے کھیلیں گے یہ فیصلہ وقت پر چھوڑتے ہیں۔
خیال رہے کہ پی ایس ایل 7 کیلئے پی سی بی اور فرنچائزز کے درمیان ڈرافٹ اور لیگ کے شیڈول پر گزشتہ روز مشاورت ہوئی جب کہ اس حوالے سے آج بھی مشاورت کی جائے گی۔
ذرائع کے مطابق ڈرافٹ کیلئے 6 اور 8 دسمبر کی تاریخوں کی تجاویز پیش کی گئی ہیں۔
ٹیم | میچ | پوائنٹ |
---|---|---|
لاہور قلندرز | 10 | 14 |
ملتان سلطان | 10 | 12 |
اسلام آباد یونائیٹڈ | 10 | 12 |
پشاور زلمی | 10 | 10 |
کراچی کنگز | 10 | 6 |
کوئٹہ گلیڈی ایٹرز | 10 | 6 |