Advertisement

انٹرٹینمنٹ
time icon 29 جنوری ، 2022

مریم نواز نے بلاول کو مقبولیت میں پیچھے چھوڑ دیا، عائشہ عمر

عائشہ عمر کاکہنا ہے کہ مسلم لیگ ن کی نائب صدر مریم نواز نے چیئرمین پیپلز پارٹی بلاول بھٹو کو مقبولیت میں پیچھے چھوڑدیاہے —فوٹو: فائل
عائشہ عمر کاکہنا ہے کہ مسلم لیگ ن کی نائب صدر مریم نواز نے چیئرمین پیپلز پارٹی بلاول بھٹو کو مقبولیت میں پیچھے چھوڑدیاہے —فوٹو: فائل 

پاکستانی اداکارہ عائشہ عمر کاکہنا ہے کہ مسلم لیگ ن کی نائب صدر مریم نواز نے چیئرمین پیپلز پارٹی بلاول  بھٹو کو مقبولیت میں پیچھے چھوڑدیاہے۔

گزشتہ روز اداکارہ عائشہ عمرجیو نیوز کے پروگرام ’جشن کرکٹ ‘ میں مہمان بنیں اور اس دوران انہوں نے مختلف موضوعات پر گفتگو کی۔

انہوں نے ملکی صورتحال پربات کرتے ہوئے کہا کہ 80 فیصد لوگوں کاخیال ہے کہ گھبرانے کا وقت ہوگیا ہے جبکہ مریم نے بلاول  کو مقبولیت میں پیچھے چھوڑدیا ہے۔

 پروگرام ’جشن کرکٹ ‘ میں علی میر نے یوسف رضاگیلانی کاروپ دھارا اور بولے کہ  عائشہ عمرکوپروگرام میں آنا تھا اسلیے وہ کراچی آگئے تھے۔

اس کے علاوہ قومی کرکٹ ٹیم کے سابق کپتان ا نضمام الحق ، سکندر بخت  اور شعیب اختر نے پی ایس ایل میں گزشتہ روز کھیلے گئے پشاور زلمی اور کوئٹہ گلیڈی ایٹرز کے میچ پر تبصرہ کیا۔

واضح رہے کہ جیو نیوز پر میزبان شہزاد اقبال کے ساتھ جشنِ کرکٹ روزانہ رات گیارہ بجے دیکھیں۔

Advertisement

@geonews_sport