لاہور کے قذافی اسٹیڈیم میں پاکستان سپر لیگ( پی ایس ایل) کے فائنل میں بدنظمی کے باعث  ٹکٹ والے شائقین میدان سے باہر کھڑے رہے گئے۔

ذرائع کے مطابق شائقین کا کہنا ہے کہ ٹکٹ والے باہر ہیں جبکہ پولیس اور ضلعی انتظامیہ نے دیگر لوگ اندر بھیج دیے۔

پی ایس ایل فائنل: اسٹیڈیم میں دھکم پیل سے 4 واک تھروگیٹ ٹوٹ گئے

پاکستان سپر لیگ کے ساتویں ایڈیشن کے فائنل میں لاہور قلندرز اور ملتان سلطانز کی ٹیمیں لاہور کے قذافی اسٹیڈیم میں مدمقابل ہیں۔

اس کے علاوہ قذافی اسٹیڈیم میں فضل محمود انکلوژر میں سیٹ پر جھگڑے بھی ہوئے جبکہ بغیر ٹکٹ والے سیٹوں پر قبضہ کرکے بیٹھ گئے اور ٹکٹ والے کھڑے رہ گئے۔

ذرائع کے مطابق گیٹ نمبر دو پر بھی پولیس اور ٹکٹ رکھنے والے شائقین کا جھگڑا ہوا جبکہ ٹکٹ ہولڈر کا کہنا ہے کہ قذافی اسٹیڈیم میں استعداد سے زیادہ لوگ داخل کردیےگئے ہیں۔

حفیظ کی ذمہ درانہ بیٹنگ، قلندرز کا سلطانز کو جیت کیلئے 181 رنز کا ہدف

لاہور قلندرز کی ٹیم نے مقررہ 20 اوورز میں 5 وکٹوں پر 180 رنز بنائے، حفیظ 46 گیندوں پر 69 رنز بناکر نمایاں رہے۔

واضح رہے کہ اس سے قبل تماشائیوں کے رش اور دھکم پیل کےدوران 4 واک تھرو گیٹ  بھی ٹوٹ گئے تھے۔