لاہور قلندرز  کے کپتان شاہین شاہ آفریدی نے والد کی دعوت پر لنڈی کوتل کا دورہ کرنے پر قلندرز کی ٹیم انتظامیہ کا شکریہ ادا کیا ہے۔

لاہور قلندرز کے سوشل میڈیا اکاؤنٹس پر جاری ویڈیوز اور تصاویر میں دیکھا جاسکتا ہے کہ شاہین کے والد سمیت پورا گاؤں کس قدر خوش ہے اس موقع پر  لاہور قلندرز کے کپتان شاہین شاہ آفریدی ٹورنامنٹ کی ٹرافی والد کے ہاتھ میں دیکھ کر پھولے نہیں سمائے۔

 انہوں نے ٹوئٹر پر پیغام جاری کرتے ہوئے کہا 'جنہوں نے مجھے اس قابل بنایا اور یہاں تک پہنچایا، ان کے ہاتھ میں یہ ٹرافی دیکھنا دنیا کا بہترین احساس ہے'۔

ویڈیو: شاہین کے والد کی دعوت پر قلندرز لنڈی کوتل پہنچ گئے، گاؤں والوں کا پرتپاک استقبال

لاہور قلندرز کی ٹیم اور انتظامیہ کا قبائلی عمائدین، سیاسی شخصیات اور شائقین کرکٹ کی جانب سے پرتپاک استقبال کیا گیا۔

شاہین شاہ آفریدی نے والد کو مخاطب کرتے ہوئے کہا کہ 'مجھے آپ پر بے حد فخر ہے ابو جی'۔

ساتھ ہی کپتان نے لاہور قلندرز کے اس انداز پر ان کا شکریہ ادا کیا اور کہا کہ اس موقع پر میرا پورا گاؤں حد سے زیادہ خوش تھا۔