Advertisement

کھیل
time icon 05 مئی ، 2022

لاہور قلندرز نے ایک اور کامیابی اپنے نام کر لی

لاہور قلندرز اپنے ہائی پرفارمنس سینٹر میں اسپورٹس ہیلتھ کیئر کی سہولت کا ارادہ رکھتی ہے /فوٹوفائل
لاہور قلندرز اپنے ہائی پرفارمنس سینٹر میں اسپورٹس ہیلتھ کیئر کی سہولت کا ارادہ رکھتی ہے /فوٹوفائل

پاکستان سپر لیگ (پی ایس ایل )کی مقبول ترین فرنچائز لاہور قلندرز نے ایک اور کامیابی اپنے نام کر لی۔

لاہور قلندرز  اپنے ہائی پرفارمنس سینٹر میں اسپورٹس ہیلتھ کیئر کی سہولت کا ارادہ رکھتی ہے جس کے لیے لاہور  قلندرز  نے  ہائی پرفارمنس سینٹر میں اسپورٹس میڈیسن اور ہیلتھ کیئر کی سہولیات کی فراہمی کے لیے دبئی کی ایک کمپنی کے ساتھ معاہدہ کر لیا ہے۔

معاہدے کے تحت دبئی کی کمپنی جدید تقاضوں کے مطابق سہولیات لاہور قلندرز کو فراہم کرے گی جس میں کھلاڑیوں اور سپورٹ اسٹاف کے ٹریننگ پروگرامز،  ان کی غذائی ضروریات،  اعصابی مضبوطی اور علاج معالجے کی سہولیات بھی شامل ہیں۔

اس موقع پر کمپنی کے سی ای او ڈاکٹر جارج جان کا کہنا تھا کہ وہ پاکستان میں جدید ترین اسپیشلسٹ اسپورٹس سینٹر قائم کرنے کے لیے لاہور قلندرز کے ساتھ شراکت داری کرنے پر خوش ہیں۔


Advertisement

@geonews_sport