کھیل
10 نومبر ، 2021

طالبان نے افغان کرکٹ بورڈ کے حوالے سے اہم حکمنامہ جاری کردیا

افغانستان کرکٹ ٹیم ٹی ٹوئنٹی ورلڈکپ سے باہر ہوگئی ہے— فوٹو: اے سی بی
افغانستان کرکٹ ٹیم ٹی ٹوئنٹی ورلڈکپ سے باہر ہوگئی ہے— فوٹو: اے سی بی 

طالبان حکومت نے افغان کرکٹ بورڈ کے حوالے سے اہم حکمنامہ جاری کردیا۔

افغانستان کرکٹ ٹیم ٹی ٹوئنٹی ورلڈکپ سے باہر ہوگئی ہے اور اس دوران ہی بورڈ میں انتظامی تبدیلیاں کی گئی تھیں۔

طالبان حکومت نے سابق افغان کرکٹر میر وائس اشرف کو کرکٹ بورڈ کا قائم مقام چیئرمین مقرر کیا تھا تاہم اگلے روز ہی متحدہ عرب امارات میں سابق چیئرمین عزیز اللہ فضلی کی آئی سی سی آفیشلز سے ملاقات کی تصاویر سامنے آئی تھیں۔

تاہم اب طالبان کے ترجمان اور نائب وزیر اطلاعات ذبیح اللہ مجاہد نے ٹوئٹ کرکے انتظامی تبدیلی سے آگاہ کیا ہے۔

ذبیح اللہ مجاہد کا کہنا تھاکہ میروائس اشرف کو بورڈ کا نیا قائم مقام چیئرمین مقررکیا گیا ہے۔ 

دوسری جانب افغان بورڈ کا کہنا تھاکہ افغانستان نے وزیر اعظم اور بورڈ کے پیٹرن ان چیف ملا محمد حسن اخوند نے میروائس اشرف کو نیا چیئرمین تعینات کیا ہے۔

مزید خبریں :