لاس اینجلس ......جارج کلونی اور جولیا رابرٹس کی ڈراما تھرلر منی مونسٹر کی جھلکیوں نے فلم بینوں کو بے قرار کردیا ،ساتھ ہی کچھ پرانی یادیں بھی تازہ ہوگئی ہیں ۔
ہدایتکارہ جوڈی فوسٹر کی فلم کی کہانی دلچسپ ہے،منی مونسٹر نامی ٹی وی شو میں میزبان جارج کلونی بطور اسٹاک ماہر جلوہ گرہوں گے جبکہ پروڈیوسر کا رول جولیا رابرٹس نے نبھایا ہے ۔فلم میں موڑ اس وقت آتا ہے جب اینکر پرسن کے مشورے پر عمل کرکے ایک بزنس مین اپنی تمام دولت سے ہاتھ دھو بیٹھتا ہے اور ٹی وی شو کو یرغمال بنا لیتا ہے۔
منی مونسٹر تو ریلیز ہوگی مئی میں لیکن اس کے ٹریلر نے 1976 کی فلم دی نیٹ ورک کی یاد تازہ کردی ہے،جس میں ٹی وی شو کے دوران پہلےسے پلان کیے گئے قتل کی واردات ہوتی ہے۔دی نیٹ ورک اور منی مونسٹر میں مماثلت ہے یا نہیں یہ تو فلم کی ریلیز کے بعد ہی پتا چلے گا،جس کے فلم بین بے چینی سے منتظر ہیں۔