امجد صابری قتل کیس کے حوالے سے حراست میں لئے گئے ملزم عمران سے تفتیش جاری ہے، پولیس کے مطابق ملزم نے واردات میں ملوث ہونے کا اعتراف کرلیاہے اور اپنے دیگر دو ساتھیوں کے نام بھی اگل دیئے ہیں۔
پولیس کا کہنا ہے کہ ملزم نے اپنے بیان میں بتایا کہ امجد صابری کو قتل کرنے کی ہدایت اس کے ساتھیوں نے اسے فون پر دی تھی۔
پولیس کے مطابق ملزم کے ایم سی کا ملازم ہے اور اس کا تعلق ایک سیاسی جماعت سے ہے، ملزم کچھ عرصہ قبل ہی بیرون ملک سے کراچی آیا تھا۔