لاہور اور نواحی علاقوں میں دھند کی شدت میں بتدریج کمی آنے لگی ہے اور دھوپ نکلنے سے حد نگاہ میں اضافہ ہوگیا ہے۔ موٹر وے بھی کھول دی گئی تاہم رات بھر لاہور ائرپورٹ پر فلائٹ آپریشن متاثر رہنے سے درجنوں پروازیں منسوخ اورتاخیر کا شکار ہیں۔
گزشتہ شام کے وقت چھانے والی دھند نصف شب تک انتہائی شدت اختیار کر گئی تھی اورشہر میں حدنگاہ انتہائی کم جبکہ موٹروے سمیت کھلے علاقوں میں صفر ہو کر رہ گئی تھی۔
علامہ اقبال ایئرپورٹ پر حد نگاہ پچاس سے سو میٹر رہ جانے پر فلائٹ شیڈول معطل کیاگیا جبکہ اندرون اور بیرون ملک آنے جانے والی پروازیں التواء کا شکار ہو گئیں۔