چین نے کہا ہے کہ پاکستان کو دیے گئے دو جنگی بحری جہاز تحفہ نہیں بلکہ یہ بحری جہاز گوادر کی بندرگاہ کی حفاظت کے لیے دونوں ممالک کے درمیان فوجی تجارت کے تحت دیے گئے ہیں۔
چینی وازرت خارجہ کی ترجمان نے ان خبروں کی تردید کی کہ بحری جہاز چین کی جانب سے پاکستان کو تحفے کے طور پر دیے گئے ہیں ۔
ترجمان نے واضح کیا کہ یہ دو بحری جہاز پاکستان نے چین سے خریدے ہیں۔
واضح رہے کہ گزشتہ روز گوادر پورٹ پر چین کی جانب سے تیار کیے گئے بحری گن شپ جہازوں کی پاکستان نیوی کے بحری بیڑے میں شمولیت کی تقریب منعقد ہوئی، جس میں پاکستان نیوی کے وائس ایڈمرل عارف اللہ حسینی نے بھی خطاب کیا۔