فرانس میں فیس بک اور گوگل نے خبر رساں اداروں کے ساتھ مل کر جھوٹی خبروں اور جعلی پوسٹوں کو روکنے کے لیے مل کر کام شروع کردیا۔
نیا رپورٹنگ فیچر خبروں میں غلط معلومات کے پھیلاؤ کو روکنے کے لیے متعارف کرایا گیا ہے، فیس بک گزشتہ ماہ جرمنی میں بھی یہ کام شروع کرچکی ہے، لیکن فرانس میں شروع کی جانے والی یہ مہم زیادہ جامع ہے کیونکہ اس میں صرف فیس بک اور گوگل ہی نہیں بلکہ اے ایف پی سمیت فرانس کا مین اسٹریم میڈیا بھی شامل ہے۔
اس مہم کا مقصد فرانس میں اپریل میں ہونے والے صدارتی انتخابات میں کسی بھی غلط معلومات کو اثر انداز ہونے سے روکنے کو یقینی بنانا ہے۔