ملائیشیا کی پولیس نے شمالی کوریا کے رہنما کم جونگ ان کے سوتیلے بھائی کے قتل کے الزام میں ایک خاتون کو گرفتار کیا ہے۔
ملائیشیائی پولیس کے سربراہ خالد ابو بکر نے بتایا کہ اٹھائیس سالہ دوآن تھی ہوآنگ کو بدھ کی صبح ہوائی اڈے سے حراست میں لیا گیا ہے۔ بتایا گیا ہے کہ خاتون حملہ آور نے کم یونگ نم کے چہرے پر زہریلا مادہ پھینکا تھا۔
پولیس کے مطابق زیر حراست خاتون کے پاس ویتنام کا پاسپورٹ ہے۔ جنوبی کوریا اور امریکا کا کہنا ہے کہ قتل کی اس واردات میں شمالی کوریا کے خفیہ ایجنٹ ملوث ہیں۔