قومی کرکٹ ٹیم کے سابق کھلاڑی ناصر جمشید کا کہنا ہے کہ پاکستان کرکٹ بورڈ کھلاڑیوں سے میرے خلاف بیانات دلوا کر دباؤ ڈال رہا ہے ۔
انہوں نے کہا کہ اگر میں یہ کہوں کہ یہ سب پی سی بی کے اعلیٰ حکام کی ایما پر ہورہا ہے تو کیا یہ بات تسلیم کی جائے گی۔
ناصر جمشید نے کہا کہ پی سی بی کے پاس اگر میرے خلاف ثبوت ہیں تو میڈیا میں لے کر آئیں، اس کیس سے ان کی ذاتی زندگی متاثر ہورہی ہے۔
ناصر جمشید کا مزید کہنا تھا کہ وکیل سے مشاورت مکمل کرلی ہے، پی سی بی کو کورٹ میں لائیں گے ۔