چیئرمین نیشنل ہائی وے اتھارٹی شاہد اشرف تارڑ نے کہا ہے کہ لیاری ایکسپریس وے اگست میں مکمل ہو جائے گی۔
سینیٹ کی قائمہ کمیٹی برائے مواصلات کے اجلاس میں انہوں نے بتایا کہ کراچی تا حیدرآباد موٹر وے کا منصوبہ بھی اگست میں مکمل کر لیا جائے گا۔
شاہد اشرف تارڑ نے یہ بھی بتایا کہ لیاری ایکسپریس وے 14 اگست تک ٹریفک کے لیے کھول دی جائے گی۔
انہوں نے کہا کہ لیاری ایکسپریس وے مکمل ہونے سے ٹریفک کے مسائل میں کمی آئے گی اور کراچی کے شہریوں کی مشکلات ختم ہوجائیں گی۔