محکمہ موسمیات کا کہنا ہے کہ رمضان کا چاند 25 مئی کی رات پونے ایک بجے پیدا ہو چکا ہے، عمر کم ہونے کے باعث رمضان کا چاند آج دکھائی دیئے جانے کے امکانات انتہائی کم ہیں۔
محکمۂ موسمیات کے مطابق پہلا روزہ اتوار 28 مئی کو متوقع ہے تاہم حتمی اعلان رویت ہلال کمیٹی کرے گی۔
محکمہ موسمیات کا کہنا ہے کہ سورج غروب ہونے کے بعد چاند زیادہ سے زیادہ 42 منٹ افق پر رہے گا، بلوچستان کے علاقے جیوانی میں چاند زیادہ سے زیادہ دیر تک افق پر ہو گا۔
محکمہ موسمیات رویت ہلال کمیٹی کو چاند کی سائنسی پوزیشن سے آگاہ کرے گا۔