پاکستان تحریک انصاف کے رہنما شاہ محمود قریشی کا کہنا ہے کہ موجودہ حکومت آج اپنا آخری بجٹ پیش کر رہی ہے۔
قومی اسمبلی میں بجٹ اجلاس سے قبل میڈیا سے گفتگو میں شاہ محمود قریشی کا کہنا ہے کہ آج حکومت عوام کو سبز باغ دکھانے کا ہر حربہ استعمال کرے گی۔
انہوں نے مزید کہا کہ آج ڈی چوک پر کسانوں پر تشدد کیا گیا، اس کی پر زور مذمت کرتے ہیں، کسان پاکستان کی معیشت میں ریڑھ کی ہڈی کی حیثیت رکھتے ہیں۔
شاہ محمود قریشی نے مطالبہ کیا کہ گرفتار کسانوں کو فوری طور پر رہا کیا جائے۔