پنجاب کے مختلف شہروں میں سیکیورٹی فورسز نے مختلف کارروائیوں میں کالعدم تنظیم کے 11 سہولت کاروں کو گرفتار کر لیا۔
پاک فوج کے شعبہ تعلقات عامہ (آئی ایس پی آر) کے مطابق آپریشن ردالفساد کے تحت پنجاب رینجرز، محکمہ انسداد دہشت گردی اور خفیہ اداروں نے مختلف شہروں میں خفیہ اطلاعات پر کارروائیوں میں کالعدم تنظیم سے تعلق رکھنے والے 11 افراد کو گرفتار کرلیا۔
آئی ایس پی آر کا کہنا ہے کہ سیکورٹی فورسز نے مشترکہ آپریشنز لاہور، ڈیرہ غازی خان اور راولپنڈی میں کیے جس کے دوران گرفتار ہونے والے افراد کا تعلق کالعدم تنظیم جماعت الاحرار سے ہے۔
ملزمان کے قبضے سے اسلحہ و گولہ بارود بھی برآمد کیا گیا۔