سابق وفاقی وزیر داخلہ چوہدری نثار علی خان کا کہنا ہے کہ مریم نواز اور بے نظیر بھٹو کے درمیان موازنہ درست نہیں کیوں کہ دونوں کے درمیان زمین آسمان کا فرق ہے۔
جیو نیوز کے پروگرام "جرگہ" میں میزبان سلیم صافی کو انٹرویو دیتے ہوئے چوہدری نثار کا کہنا تھا کہ بچے بچے ہوتے ہیں اور وہ غیرسیاسی ہوتے ہیں اس لئے انہیں لیڈر کیسے مانا جاسکتا ہے۔
چوہدری نثار نے کہا کہ مریم نواز کو لیڈر بننا ہے تو پہلے عملی سیاست میں حصہ لیں اور انہیں سیاست میں حصہ لے کر خود کو ثابت کرنا ہوگا۔
چوہدری نثار کا دو حصوں پر مشتمل تفصیلی انٹرویو ہفتہ اور اتوار کو رات 10 بجکر 5 منٹ پر جیو نیوز کے پروگرام "جرگہ" میں نشر کیا جائے گا۔