گزشتہ دنوں اداکارہ عائزہ خان کی سالگرہ کے موقع پر ان کے شوہر دانش تیمور نے اہلیہ کے لیے محبت بھرا پیغام لکھا جسے بے حد پسند کیا جارہا ہے۔
سوشل میڈیا پلیٹ فارم انسٹاگرام پر دانش تیمور نے اہلیہ عائزہ خان کے ہمراہ ایک خوبصورت تصویر شیئر کرتے ہوئے انہیں سالگرہ کی مبارکباد دی۔
دانش تیمور نے لکھا کہ ’میں اپنی زندگی کا ایک سیکنڈ بھی اس عورت کے بغیر تصور نہیں کرسکتا‘۔
اداکار نے عائزہ کی تعریف کرتے ہوئے مزید کہا کہ ’انہوں نے مجھے ایک خوبصورت فیملی دی ہے، تم نے مجھے زندگی میں جو سکون اور پیار دیا ہے اس کا میں جس قدر چاہوں شکریہ ادا نہیں کرسکتا‘۔
دانش تیمور نے کہا کہ ’امیدکرتا ہوں کہ ہم اسی طرح اپنی ساری زندگی گزاریں گے اور زندگی کی آخری سانس تک ایک ساتھ رہیں گے‘۔
اداکار دانش تیمور کے انسٹا اکاؤنٹ پر شیئرکی گئی تصویر کو عائزہ کی جانب سے بھی اپنے اکاؤنٹ پر شیئر کیا گیا جس میں اُنہوں نے پسندیدگی اور محبت کا اظہار کیا۔
واضح رہے کہ اس سے قبل اداکارہ عائزہ خان نے سالگرہ کی مباکباد دینے پر اپنے مداحوں کا شکریہ ادا کیا تھا، عائزہ نے انسٹاگرام پر سالگرہ کی تصاویر بھی شیئر کی تھیں۔