بالی وڈ اداکارہ سارہ علی خان کے یوں تو لاکھوں، کروڑوں مداح ہیں تاہم وہ خود کس کی 'فین' ہیں ؟ یہ انکشاف انہوں نے اپنی حالیہ پوسٹ میں کیا ہے۔
انسٹاگرام اسٹوری پر سارہ نے معروف بھارتی اداکار اور تیلگو فلموں کے ہیرو اور فلم ساز وجے دیوراکونڈا کے ساتھ لی گئی سیلفی شیئرکی ہے۔
سیلفی میں سارہ کو نہایت خوش دیکھا جاسکتا ہے،انہوں نے تصویر پر'فین موومنٹ' لکھا ہے اور اسے وجے کے آفیشل اکاؤنٹ پر ٹیگ بھی کیا ہے۔
بعد ازاں وجے نے بھی نجی پرواز میں بیٹھے ہوئے اپنی تصویر شیئرکی اورکپیشن میں لکھا کہ وہ واپس کام پر آگئے ہیں۔
بھارتی میڈیا کے مطابق وجے بالی وڈ فلم ساز کرن جوہرکے گھر پارٹی میں شرکت کے لیے ممبئی آئے تھے جہاں دیگر بالی وڈ اداکار بھی موجود تھے۔