پاکستان نےفائزر کمپنی سے ویکسین کی خریداری کے لیے اقدامات شروع کردیے۔
ذرائع کے مطابق فائزرکمپنی سے ویکسین کی 10 لاکھ خوراکیں خریدی جائیں گی اور ویکسین کی خریداری نیشنل ڈیزاسٹر مینجمنٹ اتھارٹی (این ڈی ایم اے) کے ذریعےکی جائےگی، پاکستان میں فائزر کی خوراکیں جولائی کے آخر یا اگست تک پہنچنےکا امکان ہے۔
وزرات صحت کے حکام کے مطابق فائزر ویکسین کو منفی 75 سینٹی گریڈ میں اسٹورکیا جاتا ہے جس کی اسٹوریج کے لیے 23 الٹراکولڈ چین فریزر خریدے جاچکے ہیں۔