اداکار فیروز خان نے کہا ہے کہ ممکن ہے وہ مستقبل میں ڈرامہ نگار خلیل الرحمان قمر کے ساتھ کام کرتے نظر آئیں۔
خیال رہے کہ کچھ روز قبل اداکار فیروز خان کا ایک ویڈیو کلپ سوشل میڈیا پر وائرل ہوا تھا جس میں میزبان نے ان سے سوال کیا کہ خلیل الرحمان نے آپ کے لیے کہا تھا کہ آپ کبھی اداکار نہیں بن سکتے جس پر فیروز خان نے اعتراف کیا کہ خلیل الرحمان قمر نے ایسا کہا تھا۔
اب اسی ویڈیو کے حوالے سے ٹوئٹر پر موجود ایک خبر پر تبصرہ کرتے ہوئے فیروز خان نے کہا کہ ’پرانی کہانی، ممکن ہے کہ جلد ہم ساتھ کام کرتے نظر آئیں‘۔