وزیراعظم عمران خان نے دورہ لاہور کے دوران حکام کو خواتین کے تحفظ کے لیے فوری اور سخت اقدامات کی ہدایت کی ہے۔
لاہور آمد پر وزیراعظم سے چیف سیکرٹری پنجاب جواد رفیق ملک اور آئی جی انعام غنی نے ملاقات کی، اس موقع پر وزیراعلی پنجاب سردار عثمان بزدار بھی موجود تھے۔
وزیر اعلیٰ،چیف سیکرٹری اور آئی جی نے وزیراعظم کو امن وامان کی مجموعی صورت حال پر بریفنگ دی۔
وزیراعظم نے خواتین کے تحفظ کے لیے فوری اور سخت اقدامات کی ہدایت کی اور کہا کہ ملزمان کے خلاف فوری کارروائی کرکے سخت سے سخت سزا یقینی بنائی جائے۔
وزیراعظم عمران خان نے تمام شہریوں کے جان و مال کے تحفظ کے لیے بھی اقدامات کرنے کی ہدایت کی۔