بالی وڈ کی مقبول اداکارہ دیپیکا پڈوکون اور اداکار رنویر سنگھ کی تصاویر اور ویڈیوز بنانے کی خاطر کیمرہ مین کو اپنی چپل اتر جانے کا بھی احساس نہ ہوا۔
گزشتہ روز دیپیکا اور رنویر نے بھارت کے لیے اولمپکس میں دو مرتبہ تمغے جیتنے والی کھلاڑی پی وی سندھو سے ریسٹورینٹ میں ملاقات کی، کھانے کے بعد دونوں نے سندھو کو گاڑی میں بٹھایا اور خود اپنی گاڑی کی جانب بڑھنے لگے کہ اسی دوران متعدد فوٹوگرافرز نے انہیں گھیر کر تصاویر اور ویڈیوز بنانا شروع کر دیں۔
سوشل میڈیا کے مختلف پلیٹ فارمز کی زینت بنی اس ویڈیو میں دیکھا جاسکتا ہے کہ چلتے چلتے دیپیکا کو پاؤں سے اتری چپل دکھائی دی جس کی اداکارہ نے فوری طور پر نشاندہی کی اور کہا آپ اپنی چپل تو لے لو۔
کیمرہ مین نے بھی دیپیکا کو فوری نفی میں جواب دیتے ہوئے کہا یہ میری نہیں ہے جس پر دیپیکا نے کہا کہ یہ آپ کی ہی ہے۔
دوسرے فوٹوگرافر نے کہا کہ ہم بعد میں لے لیں گے پہلے آپ کی تصویر بنا لیں، کچھ دور جاتے ہی ایک اور کیمرہ مین کا جوتا پیر سے نکل گیا جس پر رنویر نے کہا کہ اپنے جوتے تو لے لیں۔