جیو نیوز افغانستان کے بگرام ائیر بیس کے اندرونی مناظر سامنے لے آیا۔
بگرام ائیربیس پر ٹوٹے پھوٹے امریکی ہیلی کاپٹر اور جنگی سامان جا بجا بکھرا ہوا ہے جسے امریکی فوجی جاتے ہوئے چھوڑ گئے تھے۔ ائیر بیس پر امریکی فوجیوں کی ورزش کا سامان بھی موجود ہے۔
بگرام ائیربیس طالبان پر حملوں کے لیے استعمال کیا جاتا تھا اب اس ائیر بیس پر طالبان کا کنٹرول ہے۔
واضح رہے کہ امریکی افواج کے افغانستان سے انخلا کے بعد امریکی حکام نے بگرام ائیربیس کو 20 سال بعد افغان فوج کے حوالے کیا تھا۔