لاہو رہائی کورٹ میں قتل کیس کے ملزم وکیل کے ساتھی اور بعض وکلا پولیس اہلکاروں پر تشدد کے بعد ملزم کو چھڑا کرلےگئے۔
ضیغم نامی ملزم کےخلاف تھانہ کوتوالی سیالکوٹ میں قتل کا مقدمہ درج ہے، ملزم ضمانت کے لیے لاہور ہائی کورٹ میں پیش ہوا تو عدالت نے اس کی ضمانت خارج کردی ،جس پرپولیس اہلکاروں نے اسے پکڑ لیا۔
ایک اہلکار ملزم کی ہتھکڑی کو اپنے ساتھ باندھ کر احاطہ عدالت میں جا رہا تھا کہ ملزم کے ساتھیوں نے پولیس پارٹی سے جھگڑا شروع کر دیا، اس دوران ملزم کے ساتھیوں نے پولیس اہلکار کو تشدد کانشانہ بنا کر زخمی کر دیا اور ملزم کی ہتھکڑی کھلوا کر اپنے ساتھ لے گئے۔