لندن: معروف صحافی اور برطانیہ میں پاکستان کے سابق ہائی کمشنر واجد شمس الحسن لندن میں انتقال کرگئے۔
واجد شمس الحسن اسپتال میں 6 ہفتے سے زیرعلاج تھے، معروف صحافی گزشتہ 2 برس سے علیل تھے۔
اہل خانہ کے مطابق ، واجد شمس الحسن کی نماز جنازہ کا اعلان بعد میں کیا جائے گا۔
دوسری جانب پیپلز پارٹی کی نائب صدر سینیٹر شیری رحمان نے واجد شمس الحسن کے انتقال پر گہرے دکھ اور افسوس کا اظہار کرتے ہوئے ٹوئٹ کیا کہ واجد شمس الحسن نے زندگی بھر جمہوریت ، انسانی حقوق ، آزاد پریس اور پیپلز پارٹی کے لیے وقف کردی۔
خیال رہے کہ واجد شمس الحسن 2008 میں برطانیہ میں پاکستان کے ہائی کمشنر رہے دوسری جانب وہ 40 سال سے زائد عرصہ صحافت سے بھی وابستہ رہے۔