بالی وڈ کے معروف اداکار دھر میندر نے حال ہی میں انسٹاگرام پر اپنی پہلی گاڑی کی ویڈیو صارفین کے ساتھ شیئر کی ، آپ اس کی قیمت جان کر حیران رہ جائیں گے۔
دھرمیندر نے انسٹاگرام پر ایک ویڈیو شیئر کی جس میں وہ 1960 میں خریدی گئی اپنی پہلی گاڑی ، فیاٹ (Fiat) دکھا رہے ہیں۔
دھر میندر ویڈیو میں کہتے ہیں کہ 'ہیلو دوستوں ، میری پہلی کار ،میں نے اسے صرف 18 ہزار بھارتی روپے ( یعنی 40 ہزار پاکستانی روپے سے زائد میں خریدا) تھا۔‘
انہوں نے کہا کہ ان دنوں 18 ہزار ایک بڑی رقم تھی ، میں نے اس گاڑی کو اچھی طرح رکھا ہوا ہے ۔
دھر میندر نے صارفین سے کہا کہ دعا کریں کہ یہ گاڑی ہمیشہ میرے ساتھ ہی رہے۔
رپورٹس کے مطابق آج اس گاڑی کی قیمت تقریباً 10 لاکھ بھارتی روپے ہے۔