پاکستان کرکٹ بورڈ کی جانب سے قومی ٹیم کے کھلاڑیوں کی میچ کی تیاریوں سے متعلق ایک ویڈیو جاری کی گئی ہے۔
پاکستان کرکٹ بورڈ کے ٹوئٹر اکاؤنٹ پر جاری ویڈیو میں کھلاڑیوں کے ہوٹل سے اسٹیڈیم تک کے سفر کو دکھایا گیا ہے جس میں ویڈیو کا آغاز قومی کرکٹر حیدر علی سے کیا گیا ہے۔
ویڈیو میں دکھایا گیا ہےکہ حیدرعلی صبح اپنے دن کا آغاز کرکے میچ پریکٹس کے لیے تیاری کررہے ہیں اورپھر وہ ٹیم کے دیگر کھلاڑیوں کے ساتھ مل کر اسٹیڈیم کا رخ کرتے ہیں۔
پی سی بی کی اس ویڈیو میں قومی ٹیم کے تمام کھلاڑی پریکٹس سیشن میں سخت محنت کرتے دکھائی دے رہے ہیں اور میچ کی تیاریوں میں مصروف ہیں۔