20 نومبر ، 2021
بھارت اور نیوزی لینڈ کے میچ کے دوران ایک تماشائی سکیورٹی حصار کو توڑتے ہوئے میدان میں گھس آیا۔
بھارت اور نیوزی لینڈ کے درمیان رانچی کے جے ایس سی اے اسٹیڈیم میں کھیلے جانے والے ٹی ٹوئنٹی میچ میں ایک تماشائی نے سکیورٹی حصار کو توڑا اور کھیل کے دوران ہی میدان میں کود گیا اور اپنی خواہش پوری کرنے کی کوشش کی۔
کرکٹ ویب سائٹ کے مطابق یہ تماشائی بھارتی کپتان روہت شرما کا مداح تھا جس نے میدان میں آتے ہی روہت کی طرف دوڑ لگائی اور ان کے پاؤں چھونے کی کوشش کی۔
تماشائی کے میدان میں آنے پر اسٹیڈیم کی سکیورٹی کا عملہ فوری متحرک ہوگیا جس نے اسے باہر لے جانے کی کوشش کی لیکن مذکورہ شخص خود ہی بھاگتا ہوا میدان سے نکل گیا۔
تماشائی کی میدان میں آنے اور روہت شرما کے پاؤں چھونے کی کوشش کی ویڈیو سوشل میڈیا پر وائرل ہے۔