وفاقی وزیر داخلہ رانا ثنا اللہ کےخلاف منشیات برآمدگی کیس میں فردِ جرم کی کارروائی ایک بار پھر مؤخر ہو گئی، عدالت نے مقدمے پر کارروائی بغیر پیش رفت کےملتوی کر دی۔
لاہور میں انسدادِ منشیات کی خصوصی عدالت نے وفاقی وزیر داخلہ رانا ثنا اللہ کےخلاف منشیات برآمدگی کیس پر سماعت کی۔
رانا ثنا اللہ بجٹ اجلاس میں مصروفیت کی وجہ سے پیش نہ ہوئے، ان کے وکیل نے پیشی سے استثنیٰ کی درخواست دی جو عدالت نے منظور کر لی۔
کیس پر آئندہ سماعت 23 جولائی کو ہوگی۔