اسپیکر قومی اسمبلی راجہ پرویز اشرف کا کہنا ہے کہ عوام آج جس مہنگائی کا سامنا کر رہے ہیں وہ عمران خان کا کیا دھرا ہے، کسی کی خواہش پر الیکشن نہیں ہوں گے۔
لاہور میں پارٹی رہنما اصغر بھٹی کی رہائش گاہ پر پارٹی کے نئے دفتر کا افتتاح کرنے کے بعد میڈیا سے گفتگو کرتے ہوئے راجہ پرویز اشرف نے کہا کہ آج کل آڈیو لیکس کا دور دورہ ہے بیانات میں ذمہ داری کا مظاہرہ کرنا چاہیے۔
انہوں نے کہا کہ پی ٹی آئی کے استعفوں کو سپریم کورٹ نے غیر آئینی قرار دیا ہے اور سپیکر کسی کے دباؤ پر استعفے قبول نہیں کرتا۔
ان کا کہنا تھا کہ اسحاق ڈار معاشی امور کے ماہر ہیں منجھے ہوئے سیاستدان ہیں، انکی پرفارمنس اچھی رہے گی اور وہ حالات بہتر کر دیں گے۔