سربراہ پی ڈی ایم مولانا فضل الرحمان نے کہا ہے کہ عمران خان نے نفرتوں کی جو آگ لگائی، اب خود اسی میں جلنے والے ہیں۔
میڈیا سے گفتگو کرتے ہوئے انہوں نے کہا کہ عمران نے مذہبی ٹچ دے کر کارکنوں کو گمراہ اور مذہبی جنونیت کو فروغ دیا۔
انہوں نے کہا کہ سیاست میں اندھی مذہبی جنونیت کا استعمال انہیں لے ڈوبے گا، ملزم نے اعتراف جرم کیا کہ عمران دین کی توہین کے مرتکب ہوئے،عمران خان بلا تحقیق الزام لگا کر اشتعال پھیلا رہے ہیں۔
ان کا کہنا تھا کہ اس معاملے کی اعلیٰ سطح کی تحقیقات ضروری ہیں تاکہ قوم اصل حقائق جان سکے۔
مولانا فضل الرحمان کا کہنا تھا کہ ایسے واقعات کو سیاسی مقاصد کیلئے استعمال کرنے کے نتائج خطرناک ہوں گے۔