LIVE

انسان غلطیوں سے ہی سیکھتا ہے، بابر اعظم کی کپتانی سے متعلق رمیز راجا کا بیان

ویب ڈیسک
December 08, 2022
 

ایک کرکٹ بورڈ بڑا تب ہی ہوتا ہے جب وہ چیزوں کو اینلائز کرے اور کھل کر بات کرے: چیئرمین پاکستان کرکٹ بورڈ کی صحافیوں سے گفتگو/فوٹوفائل

پاکستان کرکٹ بورڈ کے چیئرمین رمیز  راجا نے انگلش ٹیم کو آئی اوپنر قرار دے دیا۔

اسٹیڈیم میں صحافیوں سے گفتگو کے دوران رمیز  راجا کا کہنا تھا کہ انگلینڈ کی ٹیم سب کے لیے آئی اوپنر ہے انھوں نے ایک نیا ٹرینڈ سیٹ کیا ہے۔

دوران گفتگو صحافی نے رمیز راجا سے سوال کیا کہ بابر بطور کپتان آپ کو کیسے لگے؟ جس کے جواب میں ان کا کہنا تھا کہ ٹھیک ہیں، ہم ابھی ورلڈکپ کا فائنل کھیل کر آئے ہیں اوپر نیچے ہوتا رہتا ہے اور انسان غلطیوں سے ہی سیکھتا ہے۔

رمیز  راجا کا کہنا تھا کہ ایک کرکٹ بورڈ بڑا تب ہی ہوتا ہے جب وہ چیزوں کو اینلائز کرے اور کھل کر بات کرے، میں بطور کرکٹر تسلیم کر رہا ہوں کہ ہم پیچھے ہیں لیکن تینوں فارمیٹ میں ٹاپ کوالٹی کی ٹیمز کو ٹرن آؤٹ کرنا تھوڑا سا مشکل ہے، ہم چیزوں کو آگے لے کر جائیں گے۔