LIVE

اتھیا اور بھارتی کرکٹر کے ایل راہول کی سنگیت کی تصاویر لیک

ویب ڈیسک
January 23, 2023
 

گزشتہ شب سنیل شیٹی کے کھنڈالا بنگلے پر اتھیا اور کے ایل راہول کی سنگیت کی تقریب ہوئی جس میں جوڑے کے خاندانوں سمیت دوستوں نے شرکت کی/فوٹوبشکریہ بھارتی میڈیا 

بالی وڈ اداکار سنیل شیٹی کی صاحبزادی اتھیا شیٹی آج بھارتی کرکٹر کے ایل راہول کے ساتھ شادی کے بندھن میں بندھ جائیں گی اور شادی کی تقریب سنیل شیٹی کے کھنڈالا کے بنگلے میں ہورہی ہے۔

بھارتی میڈیا کے مطابق ہفتے کے روز شادی میں شرکت کیلئے آنے والے مہمانوں کیلئے کاک ٹیل نائٹ کا اہتمام کیا گیا جب کہ گزشتہ شب اتھیا اور کے ایل راہول کی سنگیت کی تقریب ہوئی جس میں دونوں کے خاندانوں سمیت دوستوں نے شرکت کی۔

بھارتی میڈیا پر اب کے ایل راہول اور اتھیا کی سنگیت کی ایک تصویر سامنے آئی ہے جس میں  اتھیا اور کے ایل راہول کو سنگیت کی تقریب میں سفید لباس میں دیکھا جاسکتا ہے۔

دوسری جانب بھارتی میڈیا کے مختلف سوشل میڈیا  پیجز سے اتھیا اور کے ایل راہول کی گزشتہ رات سنگیت کی تقریب کی کچھ تصاویر  اور ویڈیوز وائرل کی جارہی ہیں۔

ویڈیو میں  کے ایل راہول کو مہمانوں کے ساتھ ڈانس کرتے دیکھا جاسکتا ہے جب کہ ایک ویڈیو میں سنیل شیٹی کے بیٹے آہان شیٹی کو ڈانس کرتے دیکھا جاسکتا ہے۔

بھارتی میڈیا پر شیئر کی گئی تصاویر اور ویڈیوز میں مہمانوں کو سنگیت کی تقریب کیلئے دیکھا جاسکتا ہے۔

فوٹوبشکریہ بھارتی میڈیا