پشاور انسٹیٹیوٹ آف کارڈیالوجی میں روٹا پرو ٹیکنالوجی متعارف کراکر پہلی بار جدید طریقہ علاج شروع کردیا گیا ہے اور روٹا پرو ٹیکنالوجی کے ذریعے60 سال کے مریض کے دل کا کامیاب آپریشن کیا گیا۔
پشاور انسٹیٹیوٹ آف کارڈیالوجی میں آپریشن کی نگرانی شعبہ کارڈیالوجی کے سربراہ ڈاکٹرعابد اللہ نے کی۔
ڈاکٹر عابد اللہ کا کہنا تھاکہ روٹا پرو ٹیکنالوجی سنگل آپریٹراسمارٹ ڈیوائس ہے، یہ ڈیوائس دل کی شریانوں کےاندرکیلشیم کو ہٹانے میں مدد دیتی ہے۔
انہوں نے کہا کہ روٹاپرو ٹیکنالوجی سےدل کی ایسی بند شریانوں کا علاج ممکن ہے جوپہلےنہ تھا، جدید طریقے سے کم پیچیدگی اور زیادہ کامیابی کے ساتھ انجیوپلاسٹی ممکن ہوگی۔