مشکل میں گھرے کسی کی بھی مدد کرنا ایک نیکی ہے اور ہم اپنے آس پاس لوگوں کو ایک دوسرے کی مدد کرتے ہوئے بھی دیکھتے ہیں لیکن کیا آپ نے مدد کا جزبہ جانور میں بھی دیکھا ہے؟ نہیں تو یہ ویڈیو ضرور دیکھیں۔
سوشل میڈیا پر ایک ویڈیو وائرل ہورہی ہے جس میں ایک کتے کو چھوٹی مچھلی کی مدد کرتے دیکھا جاسکتا ہے۔
ویڈیو میں دیکھا جاسکتا ہے کہ ایک نارجی رنگ کی چھوٹی مچھلی زمین پر پڑی ہے جس کے قریب بلی موجود ہے، جو مچھلی کو چھونےکی کوشش کررہی ہوتی ہے۔
اتنے میں ایک گولڈن رنگ کا کتا آتا ہے جو مچھلی کو زمین پر تڑپتا دیکھ کر پہلے قریب میں رکھے مچھلی کے پیالے کو دیکھتا ہے اور پھر وہ مچھلی کو منہ میں اٹھا کر واپس پانی سے بھرے پیالے میں ڈال دیتا ہے۔
مدد کے جزبے سے بھرپور کتے کی اس ویڈیو نے سوشل میڈیا صارفین کے دل جیت لیے ہیں۔