لاہور کے علاقے سبزہ زار میں اسٹیج اداکارہ عروج کےگھرپر فائرنگ کا واقعہ پیش آیا۔
پولیس کے مطابق ملزم نے دن دیہاڑے اسٹیج اداکارہ کے گھر پر گولیاں چلائیں۔
اسٹیج اداکارہ کے گھر پر فائرنگ کی سی سی ٹی وی وڈیو سامنے آگئی ہے جب کہ اس حوالے سے اسٹیج اداکارہ عروج نے الزام لگایا کہ ایک شخص انہیں ہراساں کرتا ہے۔
اس حوالے سے ایس پی اخلاق تارڑ کا کہنا ہے کہ فائرنگ کرنے والے ملزم کو گرفتارکر لیاگیا ہے، ملزم نے آج صبح اداکارہ عروج کے گھر پر فائرنگ کی تھی۔
اخلاق تارڑ کا کہنا ہے کہ ملزم کےخلاف مقدمہ درج کر کے تفتیش شروع کر دی ہے۔