طورخم سرحد کشیدگی معاملے پر افغانستان کا سات رُکنی وفد آج اسلام آباد پہنچے گا۔ دفتر خارجہ کے مطابق وفد کے ساتھ ملاقات میں سرحد پر جاری کشیدگی اور بارڈر مینجمنٹ کےحوالے بات چیت کی جائے گی ۔
دفتر خارجہ سے جاری بیان کے مطابق افغان ڈپٹی وزیر خارجہ حکمت کرزئی کی صدارت میں سات رُکنی وفد اسلام آباد پہنچے گا ۔ بیان کے مطابق پاکستان کو امید ہے کہ مذاکرات سے دونوں ملکوں میں امن کے قیام کو فروغ ملے گا۔