دبئی انٹرنیشنل اسٹیڈیم میں کھیلے جانے والے پاکستان سپر لیگ ٹو کے انیسویں میچ میں پشاور زلمی نے کوئٹہ گلیڈی ایٹرز کے خلاف ٹاس جیت کر پہلے فیلڈنگ کرنے کا فیصلہ کیا ہے۔
اس میچ سے قبل ایونٹ میں کوئٹہ گلیڈی ایٹرز نے 7 میچ کھیلے ہیں جن میں سے 4 جیتے ہیں، 2 ہارے ہیں جبکہ ایک میچ کا فیصلہ نہ ہوسکا۔
پشاور زلمی نے اس سے قبل 7میچ کھیلے ہیں جن میں سے 3 میچز میں فاتح رہی جبکہ 3 میچز میں اسے شکست کا سامنا ہوا، اس کے ایک میچ کا فیصلہ نہیں ہوسکا۔
پوائنٹس ٹیبل پر اس وقت کوئٹہ گلیڈی ایٹرز 9 پوائنٹس کے ساتھ سر فہرست ہے جبکہ پشاور زلمی 7پوائنٹس کے ساتھ تیسرے نمبر پر ہے۔