بھارتی انڈس واٹر کمیشن کا وفد پاکستانی حکام سے مذاکرات مکمل کرکے لاہورسے وطن روانہ ہوگیا، وفد کےسربراہ پی کے سکسینہ کا کہنا ہے کہ مذاکرات سے تحفظات دور کرنے میں مدد ملی ہے۔
بھارتی انڈس واٹر کمیشن کا وفد لاہور سے واہگہ بارڈر کی بجائے بذریعہ ہوائی جہاز وطن روانہ ہوا، وفد کو پاکستان انڈس واٹر کمشنر مرزا آصف بیگ نے الوداع کہا۔
بھارتی انڈس کمشنر پی کے سکسینہ کا کہنا تھا کہ پاکستانی حکام نے بہترین مہمان نوازی کی، خوشی خوشی واپس جارہے ہیں، امید ہے دونوں ملک شیڈول کے مطابق بات چیت کا سلسلہ جاری رکھیں گے۔
ان کا یہ بھی کہناتھا کہ اسلام آباد میں مذاکرات سے تحفظات دور کرنے میں مدد ملی ہے۔