پی ایس 81 سانگھڑ کے ضمنی انتخاب کے سلسلے میں پولنگ کا وقت ختم ہوگیا اورووٹوں کی گنتی جاری ہے۔
سندھ اسمبلی کی نشست حلقہ پی ایس 81 پرپولنگ صبح 8بجے شروع ہوئی،جوشام 5بجے تک جاری رہی،پولنگ کے دوران کوئی ناخوشگوارواقعہ پیش نہیں آیا اورلوگوں نے آرام سےاپنا حق راہے دہی استعمال کیا۔
پولنگ کے دوران سیکیورٹی کے لیے 18سو پولیس اہلکار اور رینجرز کے 7سو جوان تعینات کئے گئے تھے۔
پیپلزپارٹی نے جام مدد علی کو ،مسلم لیگ فنکشنل نے جام نفیس علی کو اپنا امیدوار نامزد کیا ہے جبکہ جمعیت علمائے اسلام سمیت ضمنی انتخابات میں کل 16امیدواروں نے حصہ لیا۔
یہ نشست رکن سندھ اسمبلی جام مدد علی کی مسلم لیگ فنکشنل کو چھوڑ کر پیپلزپارٹی میں شمولیت اختیار کرنے اور اسمبلی کی نشست سے مستعفی ہونے کے باعث خالی ہوئی تھی۔